​स्वास्थ्यमा समस्या देखिएपछि उपराष्ट्रपति पुन अस्पताल भर्ना

काठमाडौं, माघ २३ – 

उपराष्ट्रपति नन्दबहादुर पुन स्वास्थ्यमा समस्या देखिएपछि नेपाली सेनाको वीरेन्द्र सैनिक अस्पताल छाउनीमा भर्ना हुनुभएको छ । 

एक कार्यक्रममा सहभागी हुन शनिबार सिन्धुलीतर्फ जानुभएका उपराष्ट्रपति पुनलाई स्वास्थ्यमा समस्या भएपछि नेपाली सेनाको हेलिकप्टरबाट काठमाडौं ल्याइएको थियो । 

एक्कासि मुटुको चाल बढेर अप्ठ्यारो भएपछि सेनाको हेलिकप्टरमा राखेर उपराष्ट्रपति पुनलाई राजधानी ल्याइएको हो । कार्यक्रमको उद्घाटन गरिरहनुभएका बेला मुटुमा समस्या देखिएपछि कामज्वरोसमेत आएको उपराष्ट्रपति पुनका छोरा दिपेश पुनले जानकारी दिनुभयो । रासस